Announcement -ထုတ်ပြန်ကြေညာချက်

နိုဝင်ဘာလ ၂ ရက်၊ ၂၀၂၄ ခုနှစ်က ပြည်သူ့ဂုဏ်ရည်အသင်းဥက္ကဋ္ဌ ဒေါ်တင်တင်ညိုသည် ဂျပန်ဌာနခွဲတာဝန်ခံများဖြစ်ကြသည့် ကိုစိုးစံနှင့် မခင်ဝတီဦးတို့အား ဂျပန်နိုင်ငံ၊ တိုကျိုမြို့တွင် တွေ့ဆုံနှုတ်ဆက်ခဲ့ပြီး၊ အသင်းကိစ္စရပ်များအား ဆွေးနွေးခဲ့ကြပါသည်။ သတင်းဓါတ်ပုံ – ဂျပန်ဌာနခွဲ

ပြည်သူ့ဂုဏ်ရည်အသင်းဥက္ကဋ္ဌ ဒေါ် တင်တင်ညိုသည် အာရှခရီးစဉ်အတွင်း ကိုရီးယားနိုင်ငံသို့ရောက်ရှိခဲ့ကာ ဌာနခွဲတာဝန်ခံ ကိုဝင်းမြင့်ဦးနှင့်အတူ ပြည်သူ့ဂုဏ်ရည်ဝိုင်းတော်သားများနှင့် အောက်တိုဘာလ ၂၈ ရက်၊ ၂၀၂၄ ခုနှစ်တွင် ရင်းနှီးခင်မင်စွာ တွေ့ဆုံခဲ့ကြပါသည်။

ပြည်သူ့ဂုဏ်ရည်အသင်းဥက္ကဋ္ဌ ‌ဒေါ်တင်တင်ညိုသည် ၂၀၂၄ ခုနှစ် အောက်တိုဘာလ ၂၀ ရက်နေ့က ထိုင်ဝမ်နိုင်ငံ၊ တိုင်ပေမြို့ရှိ ပြည်သူ့ဂုဏ်ရည်ဌာနခွဲ တာဝန်ခံ ဦးကိုကိုသူနှင့် အဖွဲ့ဝင်များအား သွားရောက်တွေ့ဆုံခဲ့ပါသည်။ ဓါတ်ပုံ – တွေ့ဆုံခဲ့ကြသည့် မှတ်တမ်းတင်ပုံရိပ်များ

ယနေ့ အောက်တိုဘာ ၇ ရက်၊ နံနက် ၃ နာရီ အချိန်တွင် မန္တလေးတိုင်းဝန်ကြီးချုပ် ဒေါက်တာဇော်မြင့်မောင် ဆုံးပါး ကွယ်လွန်ကြောင်း သိရှိရသည့်အတွက် ပြည်သူ့ဂုဏ်ရည် အသင်းမှ များစွာ ကြေကွဲဝမ်းနည်းရပါသည်။ ဒေါက်တာ ဇော်မြင့်မောင်သည် အမျိုးသား...

အထူးဝမ်းနည်းကြောင်း သဝဏ်လွှာ ကချင်ပြည်သူ့ လွတ်လပ်ရေး တပ်မတော် (KIA) ၏ စစ်ဦးစီးချုပ် ဒုတိယ ဗိုလ်ချုပ်ကြီး ခေါင်လွမ်းသည် မေလ ၁၃ ရက်၊၂၀၂၄ ခုနှစ်တွင် အသည်းကင်ဆာရောဂါဖြင့် ကွယ်လွန်သွားခဲ့ကြောင်း ကြားသိရသဖြင့် ကျွန်ုပ်တို့ ပြည်သူ့ဂုဏ်ရည်အသင်းမှအလွန်အင်မတန်ပင် ဝမ်းနည်း ကြေကွဲရပါသည်။  ကွယ်လွန်ချိန်အထိ ဒုတိယဗိုလ်ချုပ်ကြီး ခေါင်လွမ်း တာဝန် ထမ်းဆောင်ခဲ့တဲ့ ရာထူး တာဝန်များမှာ စစ်ဦးစီးချုပ် – ကချင်လွတ်လပ်ရေး တပ်မတော် (KIA) နှင့်  အမှတ် (၁) စစ်ဒေသ၏ တည်ထောင်သူ စစ်ဒေသမှူးရာထူးကိုပါ ပူးတွဲရယူခဲ့သူဖြစ်ပြီး၊ တော်လှန်ရေး ကာလအတွင်း၌ စစ်မျက်နှာ မြေပြင်အထိ သွားရောက်ကာ စစ်ရေးကိစ္စများကို အားကြိုးမန်တက် တာဝန်ယူခဲ့သူအဖြစ် လူသိများခဲ့ပါသည်။  ဒုတိယဗိုလ်ချုပ်ကြီး ခေါင်လွမ်း၏ နွေဦးတော်လှန်ရေး ဖြတ်သန်းစဉ်ကာလများ၌ သူသည် ရဲဘော်များနှင့်အတူ အညာမြေ၊ အညာဒေသတွင် အတူတကွ နေထိုင်၍ အထူးဒေသ (၁) ၏ စစ်ဆင်ရေးများကိုလည်း ကိုယ်တိုင်ကြီးကြပ်တာဝန်ယူခဲ့သူ ဖြစ်ခဲ့ပါသည်။ ဒုတိယ ဗိုလ်ချုပ်ကြီး ခေါင်လွမ်းသည် ရန်ကုန် တက္ကသိုလ်တွင် ပညာဆည်းပူးခဲ့သူ ဖြစ်ပြီး မြန်မာနိုင်ငံ ဂီတလောက၏ ထင်ရှားသော ခရမ်းပြာအဆောင်ထွက် အနုပညာရှင် တစ်ဦးအဖြစ်လည်း လူသိများခဲ့သူ ဖြစ်ပါသည်။ တေးရေး ကိုရဲလွင်၊ ခင်မောင်တိုး၊ မွန်းအောင် စသည့် ထင်ရှားကျော်ကြားတဲ့ အနုပညာရှင်များနှင့် အတူ အနုပညာ လုပ်ငန်းများကို တက္ကသိုလ်ကျောင်းသားဘဝ၌ အတူတူ လုပ်ကိုင်ခဲ့ကြပြီး ဂီတတီဝိုင်းများတွင် ဘေ့စ်ဂီတာ တီးခတ်ခဲ့သူ ဖြစ်ခဲ့ပါသည်။ မြန်မာနိုင်ငံသားတိုင်းနားထောင်ဖူးသည့် နာမည်ကျော် ၈/၈၂ အင်းလျား (မူရင်း) သီချင်းမှာ သူက ဘေ့စ်ဂီတာ တီးခတ်ပေးခဲ့ပါသည်။  ထို့အပြင် ဒုတိယ ဗိုလ်ချုပ်ကြီး ခေါင်လွမ်းသည် မတူညီသော တိုင်းရင်းသား လူမျိုးများကြား၌ လူမျိုးရေး ခွဲခြားသည့်အမြင်လုံးဝ မရှိဘဲ ဗမာတိုင်းရင်းသားများ အပါအဝင် အခြားတိုင်းရင်းသားများနှင့် အတူတကွ “နိုင်ငံသား” ဆိုသည့် ခေါင်းစဉ်အောက်မှ ချစ်ခင်ရင်းနှီးစွာ အတူတွ နေထိုင်ခဲ့သည့် စံပြ ပုဂ္ဂိုလ်တစ်ဦး ဖြစ်ပါသည်။  ထင်ရှားသည့် သာဓက အဖြစ် အမှတ် (၁) စစ်ဒေသ၌ တာဝန်ယူစဉ် သူ ကိုယ်တိုင် စစ်ဒေသ မြေပြင်အထိ ဆင်းပြီး စစ်ကိုင်းဒေသမှာ PDF ရဲဘော်များနှင့်အတူ စစ်ရေးတာဝန်များကို ထမ်းဆောင်ခဲ့သူ ဖြစ်ပါသည်။ ဗမာဒေသ၊ ကချင်ဒေသ ဆိုသည့်ဒေသစွဲ လူမျိုးစွဲ မရှိဘဲ ဗမာဒေသမှ ရဲဘော်များ၏ ချစ်ခင်လေးစားမှုကို အပြည့်အဝ ရရှိခဲ့သူ တစ်ဦးလည်း ဖြစ်ခဲ့ပါသည်။ ဒုတိယ ဗိုလ်ချုပ်ကြီး ခေါင်လွမ်းသည် စစ်ရေး တာဝန်များကို ထမ်းဆောင်ရင်း၊ မိမိဝါသနာ ပါသည့် အနုပညာမှာလည်း ဂီတာတီးခတ်ကာ ပျော်ပျော်ရွှင်ရွှင် နေထိုင်ခဲ့သူ တစ်ဦး ဖြစ်ပါသည်။ သူ့ကို အများက မှတ်မိနေစေတဲ့ အဓိက အချက်ကတော့ သူ၏စစ်ရေး တာဝန် ပြင်ပ အချိန်များ၌ အမြဲလိုလို ပြုံးပြုံးရွှင်ရွှင်နေတတ်ခြင်းသည် သူ့ရဲ့ ရဲဘော်တွေက ချစ်ခင်ရတဲ့ အချက်တွေထဲက တစ်ခုဖြစ်ခဲ့ပါသည်။...

ကိုသက်စိုးလွင် ( ပြည်သူ့ဂုဏ်ရည်အသင်း- ဗဟိုအလုပ်အမှုဆောင်အဖွဲ့ဝင်) Melbourne (Australia) ဌာနခွဲ; NLD (LA) (ဖေဖော်ဝါရီ – ၁၃ ရက် ၂၀၂၄ ခုနှစ်) တွင် ကွယ်လွန်၊ ကိုသက်စိုးလွင် ( ၅၉...