၂၀၂၅ ခုနှစ် ၁၆ ကြိမ်မြောက် ပြည်သူ့ဂုဏ်ရည် ဂုဏ်ပြုပွဲ အခမ်းအနား ကို အမေရိကန် ပြည်ထောင်စု တက္ကဆပ်ဌာနခွဲ (ဟူစတန်မြို့)တွင် ကျင်းပသွားမည် ဖြစ်ကြောင်း အသိပေး ကြေညာအပ်ပါသည်။ ကျင်းပမည့် အချိန်၊ မေလ ၂၄ ရက်နေ့ (စနေနေ့)ညနေ ၅ နာရီမှ၊ ည ၈ နာရီ။ကျင်းပမည့် နေရာ KLEIN HIGH SCHOOL AUDITORIUM, 16715 STUEBNER AIRLINE ROAD, KLEIN, TX 77379

၂၀၂၅ ခုနှစ် (၁၆) ကြိမ်မြောက် ပြည်သူ့ဂုဏ်ရည် ဂုဏ်ပြုမှုအဖြစ် လူထုခေါင်းဆောင် ဖြစ်သော မတရား ဖမ်းဆီခံ နိုင်ငံရေး အကျဉ်းသား တစ်ဦးဖြစ်တဲ့ ဒေါ်ဆောင်ဆန်းစုကြည်ကို ပြည်သူဂုဏ်ရည် ဌာနခွဲ အသီးသီးရှိ အဖွဲ့သားများမှ ရိုသေ လေးစား တန်ဖိုးထားပြီး ဂုဏ်ယူဝင့်ကြွားစွာဖြင့် ဂုဏ်ပြုပါကြောင်း အသိပေး ကြေညာအပ်ပါသည်။ (ဂုဏ်ပြုပွဲ အစီအမံအများကို ထပ်မံ၍ အသိပေး ကြေညာသွားမည် ဖြစ်ပါသည်။)

“နွေဦးတော်လှန်ရေးတွင်ပါဝင်နေသော လူငယ်များ၏တီထွင်ဖန်တီးမှုနှင့် ထုတ်လုပ်မှုများ” အာဏာရှင် ဖက်ဆစ်တို့၏ ကမ်းကုန်အောင် ယုတ်မာ၊ ရက်စက်မှုများကို ခုခံ၊တွန်းလှန်နေကြသည့် နွေဦးတော်လှန်ရေးကြီးအတွင်း၊ ကာကွယ်ရေး ပစ္စည်းများ ထုတ်လုပ်မှုတွင်တာဝန်ကျေခဲ့သည့် လူငယ်တို့၏ စွန့်လွှတ်၊ ရဲရင့်၊ ထက်မြက်၊ ထူးချွန်သော တီထွင်ကြံဆမှုများကို ၂၀၂၃ခုနှစ် ၁၄ကြိမ်မြောက်ပြည်သူ့ဂုဏ်ရည် ဂုဏ်ပြုမှုအဖြစ် သတ်မှတ် ဂုဏ်ပြုခြင်းဖြစ်သည်။

“ပြည်သူ့သံအမတ်ကြီး ဦးကျော်မိုးထွန်း” ၂၀၂၁ခုနှစ် စစ်အာဏာသိမ်းမှုကို အာခံ၊ ဆန့်ကျင်ခဲ့ပြီး ပြည်သူနှင့်အတူ တသားတည်းရပ်တည်ခဲ့သူ၊ဖက်ဆစ်တပ်၏ ဖိနှိပ်မှုများအောက်မှ မြန်မာပြည်သူတို့၏ အသံကို ကုလသမဂ္ဂစင်မြင့်တွင် ရဲရဲဝံ့ဝံ့တင်ပြပြောဆိုနေသူ၊သတ္တိ၊ ပညာ၊ သစ္စာတို့နှင့်ပြည့်စုံသည့် “ဦးကျော်မိုးထွန်း (မြန်မာနိုင်ငံဆိုင်ရာ ကုလသမဂ္ဂ သံအမတ်ကြီး)”ကို ၂၀၂၃ခုနှစ် ပြည်သူ့ဂုဏ်ရည် ဂုဏ်ပြုမှုအဖြစ် သတ်မှတ် ဂုဏ်ပြုခြင်းဖြစ်သည်။