ပြည်သူ့ဂုဏ်ရည်အသင်း၏ ဖိတ်ကြားမှုဖြင့် အမေရိကန်ပြည်ထောင်စုသို့ ယခုနှစ် မေလ ၁ရက်နေ့က ရောက်ရှိနေသော ရုပ်ရှင်သရုပ်ဆောင်၊ ဒါရိုက်တာ၊ အကယ်ဒမီ ဦးကျော်သူ (ဥက္ကဌ နာရေးကူညီမှုအသင်း) နှင့် ဇနီးဖြစ်သူ ဒေါ်ရွှေဇီးကွက် (အတွင်းရေးမှူး နာရေးကူညီမှုအသင်း) တို့သည် မေလ ၂၇ ရက်နေ့ကကျင်းပခဲ့သော တတိယ အကြိမ် ပြည်သူ့ဂုဏ်ရည် ဆုပေးအပ်ပွဲ အခမ်းအနားနှင့် ပြည်သူ့ဂုဏ်ရည်အသင်း က စီစဉ်သော အမေရိကန်ပြည်ထောင်စုတလွှား မြန်မာ တိုင်းရင်းသား မိသားစုများနှင့် တွေ့ဆုံပွဲများကို တက်ရောက်ခဲ့ကြပြီး ယနေ့ (ဇွန်၊ ၂၇၊ ၂၀၁၂) တွင် ကယ်လီဖိုးနီးယားပြည်နယ် လော့စ်အိန်ဂျယ်လိစ်မြို့မှတဆင့် ရန်ကုန်မြို့သို့ ပြန်လည်ထွက်ခွာသွားပြီဖြစ်သည်။
အမေရိကန်ပြည်ထောင်စုရှိ အဝေးရောက်မြန်မာတိုင်းရင်းသားမိသားစုများက ရန်ကုန်မြို့ရှိ နာရေးကူညီမှုအသင်းကြီးသို့ အမေရိကန်ဒေါ်လာ တသိန်းခွဲကျော် လှူဒါန်းခဲ့ကြကြောင်း သတင်းရရှိသည်။
သတင်းနှင့်ဓါတ်ပုံ – ကိုကျော်ဝဏ္ဏ၊ ကိုမိုးကျော်နှင့် ကိုဘိုဘို (L.A Chapter)